4H Finnmark

Bures boahtin Finnmárkku 4H Interneahttasiidduide

Dás beasat lohkat eanet dan birra maid Finnmárkku 4H bargá. Mii almmuhat dađistaga dieđuid kurssaid ja leairraid birra. Don sáhtát maiddái oaidnit makkár doalut mis leat leamaš ovdal. Maiddái almmuhat dieđuid Norgga 4H birra ja čállit dan birra maid Finnmárkku searvvit barget. Jos háliidehpet diehtit eanet Finnmárkku 4H birra, de sáhttibehtet váldit oktavuođa 4H kantuvrrain.

• Dieđut Finnmárkku 4H birra:

Bures boahtin Finnmárkku 4H:i

Bures boahtin Finnmárkku 4H Interneahttasiidui.  Dás don beasat lohkat eambbo 4H birra, ja maiddái oaidnit makkár doaimmat mis leat fylkkas.  Finnmárkku 4H lea nugo nammage muitala Norgga 4H fylkkaorganisašuvdna.  Finnmárkkus leat 10 searvvi 7 gielddas, eanaš gielddat leat riddogielddat.  Finnmárkku 4H:s leat measta 160 miellahtu.  Ráđđeaddin leat 25 ollesolbmo, geat dahket eaktodáhtolaš barggu ja veahkehit servviid doaibmat.  Jos don háliidat diehtit eanet Finnmárkku 4H birra, de váldde oktavuođa Marte Eliasseniin,

e-poasta: marte.eliassen@fmfi.no.

Mii lea 4H

4H deaŧaleamos doaimmat:

Oahpahit ja addit ráđiid mánáide ja nuoraide miehtá riikka meahci ja meahccái čadnojuvvon ealáhusaid birra vai dat fuobmájit atnit ovddasvástádusa ja atnit árvvus luondduriggodagaid mat min eallinláhkái leat deaŧalaččat.

Ovdánahttit  áŋgiris ja servodatberošteaddji nuoraid geat oidnet dárbbašlažžan ovdánahttit nana ja bistevaš servodaga sihke báikkálaččat, guovllulaččat ja máilmmiviidosaččat.   Dán galggašeimmet  juksat  go bargat  fágalaččat ja suohtas láhkai báikkálaš servodagain.

Bargu oahpaha:

4H čuovvu iežas pedagogihka man vuođđu lea bargu oahpaha-prinsihppa.  Dán 4H-pedagogihka vuođul leat ráhkadan badjel 80 fáddágihppaga (4H-oppgaver(4H-barggut), nugo daid namma lea) maid mii fállat sierra lágádusas.  Dat leat heivehuvvon iešguđet ahkejovkui ja dat gieđahallet feara maid nugo meahcceeallima, vuovdedoalu, šattuid šaddadeami,  ealliid dikšuma, duoji, biebmodoalu, biepmu, mearradoalu, amatevrateáhtera ja organisašuvdnabarggu – mat dal leat dat deaŧalepmosat.   Eanet ja eanet oahpaheaddjit leat geavahišgoahtán min gihppagiid oahpahusas.

Loaktima ovddideaddji ja láidesteaddji

Mii háliidat leat dat geat ovddidat loaktima báikkálaš birrasis ja geat leat mielde ráhkadeamen  ealasis báikkálaš servodaga.  4H lea neutrála bellodatpolitihkalaš ja eallinoainnu gažaldagaid ektui.

Muđui lea ollugiidda sadji 4H:s.  Mis leat fálaldagat beroškeahttá sohkabealis, máhtolašvuođas, doaibmandásis dahje kultuvrralaš duogážis.

• 4H Prošeavttat

4H - Prošeavttat

4H prošeavttaid mihttomearri lea ahte don galggat oahppat dahkama bokte.  Buot prošeavttat galget heivehuvvot dutnje gii leat 4H-olmmoš ja du báikkálaš dillái.  Fágalaš gáibádusat leat dušše evttohusat ahte mo don sáhtát bargat iežat prošeavttain.  Jos háliideaččat rievdadit gáibádusaid, de ferte searvvi ráđđeaddi dohkkehit du evttohusa.

4H neahttagávppis oainnát mat 4H-prošeavttaid mis leat ja makkárat dat leat.

• Kurssat ja leairrat

Finnmárkku 4H kurssat ja leairrat

Finnmárkku 4H lágida juohke jagi máŋggalágan kurssaid ja leairraid. Miellahtuin lea maiddái vejolašvuohta vuolgit  Riikkaleirii ja Davviriikkaid leirii juohke nuppi jagi.

Finnmárkku 4H kurssat ja leairrat:

- Stivrradoaibmakursa/4H-searvvi jođiheapmi: Jahkásaččat golggotmánnu/skábmamánnu.

- Stuorrakursa: Jahkásaččat guovvamánus/njukčamánus

- Ráđđeaddičoagganeapmi ja duottarvánddardeapmi.  Jahkásaččat njukčamánus ja borgemánus. (Dušše ollesolbmuid várás)

- Fylkkastivrrakursa: Juohke nuppi jagi.

- Mearradoallokursa:  Jahkásaččat čakčamánus.

- Fylkkaleaira:  Jahkásaččat geassemánus.

- Čakčakursa/erenoamášmátki:  Ovddeš árbevierru man háliidat fas ealáskahttit! (Boarráseamos miellahtuid várás)

• Borramušat ja borramušárbevierut

Borramušat ja borramušárbevierut-prošeakta galgá čalmmustahttit báikkálaš borramušárbevieruid ja addit fylkka nuoraide vejolašvuođa oahppat ráhkadit borramuša, og oaidnit man suohtas dat duođaid sáhttá leat.  Finnmárkku 4H háliida oažžut nu olu nuoraid go vejolaš searvat dán prošektii, ja danin addáge vejolašvuođa sihke miellahtuide ja earáide geat eai leat miellahttun, searvat dása.

Dat geat háliidit oassálastit dán prošektii, besset oahppat olu mávssolaš áššid ja maiddái besset vásihit olu suohttasiid!  Borramušaid ráhkadit earáiguin ovttas lea hástaleaddji, muhto vuosttažettiin sosiálalaš ja suohtas!

Borramušat ja borramušárbevierut

Eanet dieđuid addá Marte Čáhcesullo 4H kantuvrras.

E-poastačujuhus: marte.eliassen@fmfi.no

tlf: 78950573.

Idjaborramušdoalut

Idjaborramušdoalut leat doalut main deaivvadit 4H miellahtut, geat leat dieđihan iežaset dasa, ja lágideami miellahtut  ráhkadan dihtii borramušaid idjabotta.

Doppe ii leat dušše borramušráhkadeapmi, muhto maiddái eará suohttasat oasseváldiid várás, doaivvu mielde sihke siste ja olgun!

4H Borramušskuvla

Borramušskuvla lágiduvvo sihke 4H miellahtuid ja earáid várás geat eai leat miellahttun, nu ahte buot 4.-7. luohkáid oahppit geat háliidit searvat dán guovttebeaivásaš borramušráhkadeapmái, stoahkamiidda, sosiálalaš ovttastallamii ++, sáhttet dieđihit iežaset mielde.

Ovddalgihtii juhkkojuvvojit oasseváldit joavkkuide, mat ovttas ráhkadit borramuša borramušskuvllas.

Dás ohppet oasseváldit mo ráhkadit borramuša ja man suohtas ja sosiálalaš dat sáhttá leat.  Juohke joavku ráhkada iešguđetlágan borramušaid, nu ahte šaddá olu maid beassat máistit.

• Kløverskrivet

Das beasat lohkat kurssaid ja leairraid birra mat leat fylkkas, ja maiddái iešguđet searvvi doaimmaid birra.

Kløverskrivet sáddejuvvo su. 3 geardde jahkái buot miellahtuide poastta mielde.

Jos dis ležžet áigeguovdilis áššit dahje dieđut maid háliidehpet dasa, de sáddestehket daid 4H kantuvrii: marte.eliassen@fmfi.no

Searvvi poasta sáddejuvvo buot miellahtuide ja ráđđeaddiide geaidda mus lea e-poastačujuhus.  Das  beassabehtet lohkat dieđuid kurssaid, leairraid ja eará áššiid birra mii dáhpáhuvvá 4H:s.

Smånytt sáddejuvvo dárbbu mielde.  Jos dis ležžet dieđut maid háliidehpet sáddet Smånytt bokte, de sáddestehket dan deike: marte.eliassen@fmfi.no.

• Láidesteaddjit

Háliidatgo Don šaddat Finnmárkku 4H láidesteaddjin? Jos dus leaš miella geahččalit, de váldde oktavuođa.

Ulbmiljoavku: 1-3 jagáš 4H seniorat.
Váldoulbmil:  Ráhkadit dahje doalahit buori leairavuoiŋŋa dábálaš searvedoaimmaid oktavuođas.  Oadjebasvuohta, gullevašvuohta, ovttasdoaibman, identitehta, oktasašvuohta. 

Doalahit senioraid/boarrásepmosiid 4H:s

Stuoridit doaibmabirrasa vai 4H Seniorat besset dovdet  ahte dat lea ovdánahtti ja miellagiddevaš sidjiide.

Galget leat rámis go leat mielde 4H:s.

Doalahit ja háhkat ressursaolbmuid báikái.

Oahpahit sin bures jođihit doaimmaid.

Addit sidjiide buriid vásáhusaid earáid ovttastaladettiin ja meahci manadettiin.  Oahpahit sin nu ahte sii fas sáhttet addit buriid vásáhusaid nuorat 4H mánáide.

Viiddidit nuoraid oadjebasvuođarájáid, iešáddejumi ja jáhku alcceseaset.  Go máhtolašvuohta ovdána, de olmmoš luohttigoahtá alcces buorebut.

• 4H fitnodat:

4H - fitnodatpearbma

Dát pearbma lea hábmejuvvon seamma láhkai go dábálaš 4H-barggut.  Pearbma galggašii leat juohke fitnodaga nammii.  Dan lassin sáhttá juohke miellahtus leat sierra bargogihppagat mat doibmet 4H fitnodaga doarjjagihpan.  Jos mat don áiggošit ráhkadit áviissa, de sáhttá muhtumis leat bargun “Mii govvidat”, earát gis sáhttet háhkat láibunbagadusaid ja dalle sii ožžot bargun “Mii láibut” jna.  Dis sáhttet maid leat “dábálaš” 4H-barggut ja dan lassin jođihit searvvi 4H-fitnodaga.

 4H - fitnodatpearbma

4H-fitnodaga registrerenskovvi

Dás fidnebehtet 4H-fitnodaga registrerenskovi.  Dát galgá devdojuvvot ja sáddejuvvot fylkka 4H-kantuvrii.

registreringskjema.doc.