Bli med på regionmøte
9.-19. januar arrangerer 4H Sogn og Fjordane regionmøte åtte ulike stader i fylket. Få nye idear, møt andre 4H-arar og få med deg mykje nyttig informasjon.
Alle 4H-klubbane er velkomne til regionmøte i januar, på lista nedanfor finn du stad og dato som passar for 4H-klubben. På møtet kan du møte andre 4H-arar og få nyttig informasjon om m.a. arrangement og tiltak i fylket.
Det vert også tid til å snakke saman og komme med tilbakemeldingar til 4H-kontoret og fylkesstyret.
Oversikt over dato og stad for møta:
9. januar Førde, FMLA / 4H-kontoret, 2. etg. Haftstadgården
10. januar Sogndal, kommunestyresalen
11. januar Gulen, Bålen grendahus
12. januar Hyllestad, Åfjorddalen bygdehus
16. januar Florø, kantina på Sunnfjord Medisinske Senter
17. januar Nordfjordeid, Nordfjordeid barneskule
18. januar Sandane, kantina på Økonor
19. januar Vangsnes, Sognefjord gjestehus
Møta vert på 2,5 timar, start kl 18.00 og slutt til kl 20.30. Etter møtet blir det høve for opplæring i bruk av medlemsregisteret til 4H. Dette tar ca. ein halv time.
Det blir enkel servering, derfor må vi ha påmelding tre dagar før møtet slik at vertsklubben kan førebu det. Påmelding til Åge med kor mange som kjem frå klubben på e-post aav@fmsf.no eller melding til 97072734.
Ein frå fylkesstyret og ein frå 4H-kontoret er med på møta.
Leiar og klubbrådgjevar A bør møte frå alle klubbane. I tillegg kan klubbane delta med så mange som dei ynskjer, gjerne heile styret.
Møtet er gratis, men reisekostnadene må klubben betale sjølve.
Programmet finn du i vedlegget.
